Instigo Benelukso

La fonduso Instigo estas de mi lanĉita en 2019. Tiam ĝi ankoraŭ nur celis finance subteni instigantojn Valère Doumont kaj mi por atingi jenajn celojn en Belgio:

  1. Plifortigi lokajn grupojn per * kreado de paroligaj rondoj. * helpado pri varbado per Facebook, Eventa Servo ktp. * vojaĝanta libroservo: pli da ebloj trafoliumi (kaj aĉeti) librojn.
  2. Pliigi partoprenigon en renkontiĝoj proponante * karavanojn: “ĉu vi kuniros ?” Ni malaltigu diversajn sojlojn. * pli da renkontiĝoj: paroligaj tagoj, trejnado ktp. * instruadon al aktivuloj pri komputilaĵoj por ilin plikapabligi kaj subteni por ke ĉio estu agrabla.
  3. Laŭ la bezonoj, doni specifan helpon al la diversaj regionaj aŭ lokaj grupoj.

Ĉiu ajn povis/as kontribui al la fonduso: individuoj kaj asocioj. Iuj kostoj kaj volontulado de Valère kaj Yves estos pagitaj de la fonduso. Kune decidas pri ĝi Jean-Pol, Valère kaj Yves. Nova generacio pretas engaĝiĝi; iom da mona subteno povus fari grandan diferencon. Temas pri investo; sen instig(ant)oj riskas malaperi la Esperanto-agado en Belgio entute…

Instigo reta kaj tutmondo: Liberapay

Ĉar la belga Instigo-fonduso estis/as sukceso, mi ekhavis la ideon krei ankaŭ internacian retan fonduson, por subteni la retajn agantojn. Mi precipe (sed ne nur!) kunlaboras kun Fernando Ŝajani pri Eventa Servo, kun Robin van der Vliet pri Komputeko, Telegram kaj Vikipedio kaj kun Kubof Hromoslav pri Vikipedio. Cindy McKee ankoraŭ helpas min iomete pri WordPress.

Informoj: https://eo.liberapay.com/Instigo

(kompletigota)